TAHARUKI YAZIDI KWENYE SEKTA YA UCHUKUZI KISIWANI MOMBASA

Ni takriban siku tatu tangu waziri wa uchukuzi kaunti ya Mombasa Taufiq Balala pamoja na kamati husika kubadilisha mfumo wa magari kuingia na kutoka kwenye kisiwa cha Mombasa huku wakifunga baadhi ya barabara na mizunguko ili kupunguza tatizo la msongama

no wa magari katika kaunti hio 

Tarehe 2 mwezi wa 2 mwaka wa 2022 ndio ukurasa mpya uliobadilisha mfumo wa magari kaunti ya Mombasa huku njia zilizotumika tangu enzi za mkoloni zikibadilishwa na kustaajabisha wengi 

Magari makubwa yamezuliwa kuingia kisiwani kutoka saa moja asubuhi hadi saa moja jioni huku adhabu kali ikiwekwa kwa watakaokiuka sheria hio 

Akiongea kwenye steji ya sabasaba waziri huyo amekiri kwamba ni wakati wa kuamua mabadiliko yatakaopunguza msongamano huku akisistiza kwamba changamoto zipo na itachukua muda kwa wakazi wa Mombasa kuzoea mfumo hio

Aidha kwa upande wa wachukuzi kaunti ya Mombasa ikiwemo, bodaboda, madereva wa tuktuk na marathon wameghadhabishwa na mfumo huo huku  wakidai kwamba hawakuhusishwa kivyovyote wala idara husika hazikuwepo kwenye vikao vya kubadilisha mfumo huo

Shirika husika katika maswala ya barabara ni KENHA limejitoa mbali huku wakidai mfumo huo ni ukiukaji wa sheria na hawakuhusishwa kivyovyote

Takriban watu kumi na sita wanauguza majeraha katika hospitali kuu kaunti ya Mombasa huku wawili wakipoteza maisha kwenye ajali ya barabara ni tangu mfumo huo uanze 

Abiria wamelalamika baada ya nauli kupandishwa maradufu huku wakidai kwamba hali imezidi kuwa tete kwao Ali Omar mkazi wa Bamburi amesema kwamba hivi sasa anatumia karibu Mia tatu kwenye nauli ukilinganisha na shillingi mia moja hapo awali

Aidha madereva wa matatu na tuktuk wamesema kwamba mizunguko imekuwa mingi ikiwapelekea kuongezeka kwa matumizi ya mafuta huku abiria wakikosekana kwenye stendi za matatu. 

Tarehe 9 mwezi wa 2mwaka 2022 wachukuzi kaunti ya Mombasa waapa kuandamana ili kurudisha mfumo wa zamani baada ya mahakama ya kaunti ya Mombasa kutupilia mbali kesi hio